Cynllun Croesawu Bwydo ar y Fron Gwent

Rydym yn chwilio am fusnesau a safleoedd ledled Gwent i ddod yn lleoliadau sy’n 'Croesawu Bwydo ar y Fron'. Nod cynllun Croesawu Bwydo ar y Fron yw hyrwyddo, diogelu a chefnogi hawl rhiant i fwydo ar y fron mewn mannau cyhoeddus, a chael mwy i dderbyn bod bwydo ar y fron yn gwbl arferol.

Beth yw'r manteision i fy musnes / safle?

Yn ogystal â chefnogi hawl gyfreithiol rhiant fwydo ar y fron yn gyhoeddus, mae bod yn rhan o'r cynllun yn cynnig nifer o fanteision i fusnes/safleoedd:

Cyhoeddusrwydd am ddim: Ar ôl ennill achrediad, bydd eich busnes yn cael ei hyrwyddo trwy lwyfannau amlgyfrwng ledled y Rhanbarth a Chymru, gan gynnwys gwefannau bwydo ar y fron yn rhanbarthol a gwefannau awdurdodau lleol, gyda dolenni cenedlaethol.

Y posibilrwydd o ddenu cwsmeriaid / cleientiaid newydd. Bydd pob rhiant newydd, cyn geni ac ar ôl geni, yn cael gwybod am leoliadau sy’n 'Croesawu Bwydo ar y Fron'. Bydd rhieni sydd â babanod a phlant ifanc eisiau ymweld â safleoedd os ydynt yn gwybod y byddant yn diwallu eu hanghenion.

Ar adegau gwahanol yn ystod y flwyddyn bydd y cyfryngau lleol yn cael gwybod am yr hyn sy'n digwydd o ran bwydo ar y fron yn Rhanbarth Gwent.

I gael gwybodaeth ddefnyddiol ac adnoddau digidol, gweler Tîm Bwydo Ymatebol AB

Sut gall fy musnes neu fy safle gymryd rhan?

Gallwch ddod yn rhan o'r Cynllun Croesawu Bwydo ar y Fron, y cyfan sydd angen i chi ei wneud yw cofrestru.

Ar ôl i chi gofrestru, bydd y tîm rydym yn cysylltu â chi i anfon eich sticer ffenest, poster sy’n dangos y polisi, gwybodaeth arall sy’n ddefnyddiol a chyflwyniad byr i'w rannu gydag unrhyw aelodau eraill o staff.