Dechrau’n Deg

Beth yw Dechrau'n Deg?

Mae cael plentyn yn brofiad gwych, ond gall hefyd deimlo'n llethol. Os ydych chi'n byw mewn ardal Dechrau'n Deg ac os oes gennych blentyn 0-4 oed, gallwch gael ystod o wasanaethau sydd wedi'u cynllunio i'ch cefnogi chi a'ch teulu. Ein nod yw helpu i roi'r dechrau gorau posibl mewn bywyd i'ch plentyn

Wedi ei ariannu gan Lywodraeth Cymru, mae Dechrau’n Deg yn darparu pedwar prif faes:

Gwasanaeth Ymwelwyr Iechyd a Bydwreigiaeth Estynedig

Bydd Tîm Iechyd Dechrau’n Deg yn cynnig cefnogaeth a chyngor ychwanegol trwy gydol beichiogrwydd a blynyddoedd cyntaf bywyd eich plentyn.

Bydd ein Tîm Iechyd yn gallu cynnig cymorth a chefnogaeth mewn ystod o feysydd fel:

• Cefnogaeth drwy gydol y cyfnod beichiogrwydd a gofalu am eich babi newydd
• Cyngor a chefnogaeth bwydo ar y fron
• Cyngor ar ddiddyfnu
• Gwiriadau diogelwch yn y cartref a chyngor i sicrhau bod eich cartref yn ddiogel i fabanod

Mae gennym hefyd, dîm o:

• Fydwragedd
• Nyrsys Iechyd Meddwl
• Seicolegwyr Clinigol
• Nyrsys Meithrin Iechyd Cymunedol

A phawb yno i gynnig cymorth a chyngor os ydych eu hangen.

Gallwch gysylltu â'r Gwasanaeth Ymwelwyr Iechyd drwy eu llinell ffôn ganolog newydd 01633 431 685 i gysylltu â'u timau ledled Gwent.

Cefnogaeth gyda sgiliau lleferydd, iaith a chyfathrebu eich plentyn

Mae cefnogi datblygiad iaith a chyfathrebu plant yn un o nodau craidd Dechrau'n Deg.

Mae datblygu sgiliau lleferydd ac iaith yn allweddol wrth gefnogi plentyn i gyrraedd ei lawn botensial. Mae adnabod unrhyw anawsterau yn gynnar yn hanfodol am fod ymchwil i ddatblygiad yr ymennydd wedi dangos pa mod hanfodol yw tair blynedd gyntaf bywyd plentyn, i ddatblygu sgiliau iaith a chyfathrebu da.

Mae tîm Datblygu Iaith Gynnar Dechrau'n Deg, sy'n cael eu cefnogi gan Therapyddion Iaith a Lleferydd, yn cynnal amrywiaeth o grwpiau i helpu rhieni i ddatblygu sgiliau cyfathrebu eu plentyn. Mae'r rhan fwyaf o'r sesiynau hyn yn cael eu cynnal cyn y bydd eich plentyn yn dechrau gofal plant

Mynediad at Grwpiau Magu Plant

Gall bod yn rhiant ddod â llawenydd a hapusrwydd yn ogystal â heriau, ar adegau. Mae Tîm Cymorth Teuluol Dechrau’n Deg yn gweithio ochr yn ochr â theuluoedd i gael y canlyniadau gorau i’w babanod a’u plant. Rydym yn cynnig amrywiaeth o grwpiau rhianta a chyrsiau i’r oedran 0-7 i:

• Wella hyder a sgiliau magu plant
• Meithrin lles a gwytnwch
• Cryfhau perthnasoedd

Gofal Plant

Yn ystod y tymor ar ôl eu hail ben-blwydd mae gan blant mewn ardaloedd Dechrau’n Deg yn Nhorfaen hawl i dderbyn lle gofal plant wedi ei ariannu hyd at ddiwedd y tymor y byddant yn troi’n dair oed ac maent yn gymwys i dderbyn lle Addysg Blynyddoedd Cynnar.

am manteisio ar Ddechrau'n Deg?

Dyddiadau cau ar gyfer Ceisiadau Dechrau'n Deg 2026

Os ydych wedi derbyn cais ar-lein am leoliad Dechrau'n Deg, nodwch y dyddiadau cau isod.

Tymor Ebrill 2026 - 6 Chwefror 2026

Tymor Medi 2026 - 8 Mai 2026

Tymor Ionawr 2027 - 9 Hydref 2026

Gall mynychu lleoliad Dechrau’n Deg ychwanegu at yr hyn y byddwch yn gwneud yn y cartref i helpu’ch plentyn i ddysgu a datblygu ei botensial llawn. Mae dysgu’n gynnar yn gwneud gwahaniaeth MAWR i’r ffordd mae plant yn datblygu ac yn mynd ymlaen i ddysgu trwy gydol eu bywydau.

Beth fydd fy mhlentyn yn ei ddysgu mewn gofal plant gyda Dechrau’n Deg?

• Chwarae/cymdeithasu gyda phlant o’r un oedran
• Rhoi cynnig ar bethau newydd
• Ymarfer sgiliau newydd
• Mwynhau amrywiaeth o weithgareddau chwarae
• Cymryd tro a rhannu
• Bod mewn awyrgylch sy’n gyfoethog o ran iaith

Cynigir gofal plant Dechrau’n Deg ar sawl ffurf – cylchoedd chwarae, meithrinfeydd dydd, gwarchodwyr plant ac yn Gymraeg a Saesneg.

Cliciwch yma i weld rhestr o Leoliadau Dechrau’n Deg yn Nhorfaen

Wrth wneud cais am ofal plant a ariennir gan Ddechrau'n Deg trwy god QR, cofiwch efallai na fydd rhai lleoliadau ar gael eto i'w dewis. Os na allwch weld y lleoliad o’ch dewis, ffoniwch 01495 742 943 i gadarnhau eich dewis.

Gofal Plant Cyfrwng Cymraeg

I fod yn gymwys rhaid bod eich plentyn fod yn byw mewn ardal cod post Dechrau'n Deg.

Rhaid mai hwn yw:

• prif gyfeiriad cartref y plentyn,
• y cyfeiriad y telir y Budd-dal Plant iddo, a
• cyfeiriad a gofrestrwyd gydag ymwelydd iechyd y plentyn.

Ni all y cyfeiriad a ddefnyddir fod:

• yn gyfeiriad perthynas arall, fel mam-gu a thad-cu
• gwarchodwr plant neu ddarparwr gofal arall.

Dewch o hyd i ni ar Facebook: @Torfaen Flying Start

Mae Dechrau'n Deg Torfaen wedi ymrwymo i ddiogelu eich preifatrwydd pan fyddwch yn defnyddio ein gwasanaethau. Mae Hysbysiad Preifatrwydd y Blynyddoedd Cynnar sy’n datgan sut yr ydym yn defnyddio gwybodaeth amdanoch, a sut yr ydym yn diogelu’ch preifatrwydd, ar gael yma.